ដកស្រង់អត្ថបទពី http://dcds1.blogspot.com
ស្របទៅនឹងគោលនយោបាយរបស់រាជរដ្ឋាភិបាល ដែលបាននឹងកំពុងដឹកនាំប្រទេសឲ្យឆ្ពោះទៅរកការអភិវឌ្ឍន៏នៅលើគ្រប់វិស័យជាពិសេសគឺវិស័យអប់រំ ដើម្បីបង្កើតបាននូវទ្រព្យនៃធនធានមនុស្សសម្រាប់ជួយស្តារប្រទេសជាតិឲ្យកាន់តែរីកចំរើនទៅមុខជានិរន្ត។
ដោយឡែកនៅថ្ងៃទី២៥ខែមេសាឆ្នាំ២០១២សាស្ដ្រាចារ្យ និងនិស្សិតនៃសាកលវិទ្យាល័យន័រតុនផ្នែកកុំព្យូទ័រផ្នែកអគ្គិសនី និងអេឡិចត្រូឡិចត្រូនិចព្រមទាំងផ្នែកស្ថាបត្យកម្ម បានធ្វើដំណើរទៅកាន់ប្រទេសម៉ាឡេស៊ី ដើម្បីចូលរួមការតាំងពិព័ណ៌ថ្នាក់អន្ដរជាតិ សម្រាប់អ្នកស្រាវជ្រាវវ័យក្មេង (International Engineering Invention Innovation Exhibition) នៅរដ្ឋPerlis នៃប្រទេសម៉ាឡេស៊ី។ ការតាំងពិព័ណ៌នេះមានរយៈពេលបីថ្ងៃចាប់ពីថ្ងៃទី២៧ ដល់ថ្ងៃទី២៩ខែមេសាឆ្នាំ២០១២ ដែលមានការចូលរួមពីសំណាក់ប្រទេសចំនួន១៤នៅលើពិភពលោក ដែលរួមមានប្រទេសក្នុងទ្វីបអាស៊ីប្រទេសក្នុងទ្វីបអឺរ៉ុបក៏ដូចជាប្រទេសក្នុងទ្វីបអាមេរិកផងដែរ ដែលមានជាង៣០០ Projects ចូលរួមក្នុងព្រឹត្ដិការណ៍នេះ។ លោកសាស្ដ្រាចារ្យបណ្ឌិត គីឡេង ប្រធានផ្នែកស្រាវជ្រាវនៃមហាវិទ្យាល័យវិទ្យាសាស្ដ្រនៃសាកលវិទ្យាល័យន័រតុន បានដឹកនាំក្រុមនិស្សិតសិក្សាស្រាវជ្រាវដែលមានសាស្ដ្រាចារ្យចំនួន៨រូប និងនិស្សិតចំនួន១៥រូប ជាមួយនឹង Projects ចំនួន ៧ ដើម្បីចូលរូមតាំងពិព័ណ៌នេះ។ បន្ទាប់ពីការតាំងពិព៌ណ៍ត្រូវបានបព្ចាប់លទ្ធផលជាវិជ្ជមាន និងគួរជាទីមោទននោះរួមមានមេដាយមាសពិសេសចំនួន ១, មេដាយមាសចំនួន២, មេដាយប្រាក់ចំនួន២, និងមេដាយសំរឹទ្ធចំនួន៣ ។ នេះជាមោទនភាពមួយសម្រាប់និស្សិតខ្មែរ ដែលត្រឡប់មកកាន់មាតុប្រទេសវិញជាមួយនឹងជ័យជំនះជាទីគាប់ចិត្ដលើការតាំងពិព័ណ៌ថ្នាក់អន្ដរជាតិ។
ក្នុងនាមជាពលរដ្ឋខ្មែរ យើងពិតជាមានមោទនភាពចំពោះស្នាដៃដែលកូនខ្មែរយើងកំពុងទទួលបាននេះណាស់ ហើយនិងសូមអំពាវនាវដល់កូនខ្មែរគ្រប់រូបឲ្យខិតខំប្រឹងប្រែងសិក្សាស្រាវជ្រាវ និងជៀសឲ្យឆ្ងាយពីគ្រឿងញៀន ដើម្បីបង្កើននូវសមតិភាពផ្ទាល់ខ្លួន និងដើម្បីចូលរួមអភិវឌ្ឍន៍ជាតិឲ្យកាន់តែរីកចំរើនទៅមុខជាលំដាប់៕
 |
| ការជួបជុំគ្នារវាងនិស្សិតទាំងអស់មកពីបណ្ដាប្រទេសនានា |
 |
| សកម្មភាពរបស់និស្សតដែលកំពុងពន្យល់និងបង្ហាញអំពីProjectរបស់ខ្លួនទៅកាន់ទស្សនិជនដែលចាប់អារម្មណ៍ទៅលើ Project នេះ |
No comments:
Post a Comment